آخری بُت ۔۔۔۔۔۔۔ تجھ کو دفنا کے ابھی آئی ہوں تیرا استھان کہ اونچا تھا ۔۔۔ بہت اُونچا تھا گِر کے تُو چُور ہوا ہے ایسے بڑی مشکل سے سمیٹے ترے ریزے میں نے اور بڑے کرب سے دفنایا ہے گردِ حیرت سے اَٹے چہرے پر تہہ بہ تہہ دُکھ بھی ہیں مایوسی بھی جلتے صحرائوں میں آنکھوں کی مِرے اَن گنت اُلجھے سوالوں کے بگولے رقصاں ریت کے ذرّے نہیں یہ میں ہوں میرا ایقانِ شکستہ مِری اُمیدیں ہیں تُو کہ تھا آخری بُت میرے صنم خانے کا تجھ کو دفنا کے ابھی آئی ہوں
Related posts
-
اعجاز رضوی ۔۔۔ 23 مارچ کے حوالے سے (وطن کے لیے)
اے وطن! اے محبت بھری سر زمیں! تیرے جیسا کوئی اور خطہ نہیں تیری چوکھٹ پہ... -
حامد یزدانی ۔۔۔ الھڑ برس کا سنہری پَل
الھڑ برس کا سنہری پَل ۔۔۔۔۔۔۔۔ محبت اپنے ہونے پر بہت اصرار کرتی ہے گلابی سال... -
توقیر عباس ۔۔۔ کسی دن
کسی دن ۔۔۔۔۔۔۔۔۔۔۔۔۔ کیا البیلے ہرے سہانے پیڑ ہیں جن کی خاطر میرے ذہن میں ایک...