مختار صدیقی ۔۔۔ ہرجائی

ہرجائی
۔۔۔۔۔۔
اتنی آنکھیں جن میں غلطاں مد بھری گہرائیاں!
۔۔۔۔۔۔یہ ۔۔۔ بھرے جوبن کی سرمستی سے چور
۔۔۔۔۔۔کم سِنی ہے ۔۔۔۔۔۔۔ نیم خام ان کا سرور
۔۔۔۔۔۔۔۔۔۔۔۔۔ اور یہ اُٹھتی جوانی کی تڑپ سے ناصبور!

ان گنت ہونٹوں کی بے پایاں شفق دہکی ہوئی
۔۔۔۔۔۔۔۔۔۔۔۔ دیکھیے کتنے سبک، کتنے سجل
۔۔۔۔۔  ۔۔۔۔۔۔ کتنے چغتائی کی جاں کاہی کا پھل
۔۔۔۔۔۔۔۔ ۔۔۔۔۔۔۔ جن کا البیلا تناؤ پھول کی پتی کا بَل
لعل گوں پاروں کی پھلواری سدا مہکی ہوئی

اور یہ کاکل، یہ تاباں سانپ لہرائے ہوئے
۔۔۔۔۔۔۔۔۔۔ کندنی رخ، چاندنی راتوں کے راگ
۔۔۔۔۔۔۔۔۔۔ شبنمی سونے میں یہ شعلوں کی لاگ
۔۔۔۔۔۔۔۔۔ رنگ کا رس، روپ کی صد رنگ آگ
۔۔۔۔۔۔۔۔۔۔جاگ اے، آفاق کی چاہت کے میٹھے روگ، جاگ!

دیکھ! یہ جلوے پذیرائی کو ہیں آئے ہوئے!!

Related posts

Leave a Comment