شہِ خوباں!
۔۔۔۔
یہ دل جو عشق کا بھرتا ہے دم ،ہے تجھ پہ فدا
ہو اِس پہ اور بھی لطف و کرم ،ہے تجھ پہ فدا
وہ دل جو آپ کوئی پل بھی ذمہ دار نہیں
وہ کس پہ ڈال کے بارِ ذِمم؟ ہے تجھ پہ فدا
تری ثنا نے بھی دی ہے ترے عدوکو شکست
وہ مدح جس سے کہ غارت ہو ذم ،ہے تجھ پہ فدا
ہے تو وہ سیدِکونین اے شہِ خوباں!
عرب نثار ہے تجھ پر، عجم ہے تجھ پہ فدا
ہے تو وہ عزتِ حق، تو وہ حُجتِ یزداں
کہ ہررسول، رسولِ اُمم! ہے تجھ پہ فدا
وہ جس نے دی تھی بشارت کہ ــ’’ اِسمہٗ اَ حمد‘‘
’’نَفَختُ فِیہِ‘‘ سے لے کے جنم ،ہے تجھ پہ فدا
کہیں خلیفہ ہے آدم تو اس سے بھی پہلے
جہاں تلک ہے قلمرو قلم ہے تجھ پہ فدا
جہاد زیست میں ہے جیت بس رضا تیری
اگر کچھ اور بھی ہے مغتنم، ہے تجھ پہ فدا
