Day: اگست 16، 2019

آسمانوں سے زمینوں پہ جواب آئے گا ایک دن ، رات ڈھلے یومِ حساب آئے گا مطمئن ایسے کہ ہر گام یہی سوچتے ہیں اس سفر میں کوئی صحرا نہ سراب آئے گا یہ جوانی تو بڑھاپے کی طرح گزرے گی عمر جب کاٹ چکوں گا تو شباب آئے گا کب مری آنکھ میں خوں رنگ کرن اُترے گی رات کی شاخ پہ کب عکسِ گلاب آئے گا زرد مٹی میں گھلی سبز توانائی نجیب اب ذرا آنکھ لگی ہے تو یہ خواب آئے گا

بات آپس کی تھی وہ، میں نے اگر کہہ بھی دی اور اب تُو ہے کہ اخبار لیے پھرتا ہے

میں تجھے چاہتا نہیں لیکن پھر بھی جب پاس تُو نہیں ہوتی خود کو کتنا اُداس پاتا ہوں گم سے اپنے حواس پاتا ہوں جانے کیا دهن سمائی رہتی ہے اک خموشی سی چھائی رہتی ہے دل سے بھی گفتگو نہیں ہوتی میں تجھے چاہتا نہیں لیکن پھر بھی رہ رہ کے میرے کانوں میں گونجتی ہے تری حسیں آواز جیسے نادیدہ کوئی بجتا ساز ہر صدا ناگوار ہوتی ہے دل کی دھڑکن بھی بار ہوتی ہے ان سکوت آشنا ترانوں میں میں تجھے چاہتا نہیں لیکن پھر بھی شب…