نئی پود
۔۔۔۔
اُڑ کر گلِ نو بہار کی باس
آئی ہے اُداس وادیوں میں
کھلتے ہوئے سرکشیدہ پودے
ہاتھوں کو ہلا کر کہہ رہے ہیں
"اے دوڑتے وقت کے پیمبر!
جھکتے ہوئے پیڑ کو بتا دے
ٹوٹی ہوئی شاخ کو سُنا دے
یخ بستہ سمندروں سے کہہ دے
اِن کہر کی چادروں کے پیچھے
سورج کی تمازتیں جواں ہیں
اور وقت کے قافلے رواں ہیں”
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجموعہ کلام: ادھ کُھلا دریچہ
پبلشر: علی برادرز، لاہور
سنِ اشاعت: ۱۹۷۷ء
Related posts
-
ڈاکٹر مظفر حنفی ۔۔۔ صور اسرافیل
اب تو بستر کو جلدی سے تہہ کر چکو لقمہ ہاتھوں میں ہے تو اسے پھینک... -
ڈاکٹر مظفر حنفی ۔۔۔ دوسری جلاوطنی
جب گیہوں کا دانا جنس کا سمبل تھا، اس کو چکھنے کی خاطر، میں جنت کو... -
ڈاکٹر مظفر حنفی ۔۔۔ مشرقی چیخیں
عرفی، مرا چہیتا چالیس دن کا بیٹا، آغوش میں ہے میری۔ آنکھیں گھما گھما کر، لاتیں...