آنس معین

بہت طویل ہے آنس یہ زندگی کا سفر بس ایک شخص پہ دار و مدار کم ہوگا

آج کی رات نہ جانے کتنی لمبی ہوگی آج کا سورج شام سے پہلے ڈوب گیا ہے

تعلقات میں آئی ہے بس یہ تبدیلی ملیں گے اب بھی مگر انتظار کم ہوگا

تب ہوگی خبر کتنی ہے رفتارِ تغیر جب شام ڈھلے لوٹ کے آئے گا کوئی اور

میں سوچتا رہا کل رات بیٹھ کر تنہا کہ اس ہجوم میں میرا شمار کم ہوگا

میں چاہتا ہوں ٹھہر جائے چشمِ دریا میں لرزتا عکس تمہارا بھی میرا سایا بھی