Tag: خالد احمد کی غزل

کسی کے حسن کا انکار کفر ہے خالد سو اپنے عشق کا انکار کرکے دیکھتے ہیں

اس بلندی پہ ہم نے پڑاؤ کیا جس کے آگے فقط پستیاں رہ گئیں

اے صفِ ماتم ٹھہر ، اے مجلسِ گریہ سنبھل! تازہ دم ، تازہ نفس، تازہ رثا آنے کو ہے

گم راہ بھی ہم کبھی رہے ہیں اس فخر میں کچھ عجب نشے ہیں ہم پر نہ چلے گا بس تمہارا ہم لوگ یہ جنگ لڑ چکے ہیں کب ظلم ہوا کے ختم ہوں گے پرَ کھول کے خاک ہو گئے ہیں ہر گام ہے مرحلوں کی منزل یک رنگ تمام راستے ہیں مرنے کے بھی ان گنت بہانے جینے کو بھی لاکھ مسئلے ہیں اک رو میں ، ہیں رہروانِ دنیا کچھ دیکھتے ہیں نہ سوچتے ہیں ہر آن‘ کچھ آہٹوں سی خوشبو ہر چاپ‘ گلاب سے کھلے ہیں…

بتوں کی طرح کھڑے تھے ہم اک دوراہے پر رخ اس نے پھیر لیا ، چشم تر گئے ہم بھی

زندگی کے دکھ ازل سے زندگی کے ساتھ ہیں لوگ فانی ہیں مگر لوگوں کے دکھ فانی نہیں