ظفر اقبال کی تخلیقات

ظفر اقبال

ہم خود خراب ہیں تو ہمارے لئے ظفرؔ ساری خدائی سارا زمانہ خراب ہے

وہ فتنہ خو ہم ایسے شریفوں کی بزم میں موجود تو نہیں ہے مگر ہونا چاہیے

مسائل اپنے اپنے تھے ، ضرورت اپنی اپنی تھی نہ میں ممنون ہوں اس کا ، نہ وہ مشکور ہے میرا

پہلے میں مشکل میں تھا اس بے مروت کے طفیل اور اب میرے سبب سے سارا گھر مشکل میں ہے

اپنی راہ نکالیں کیا رستے رستے جانا ہے

جتنا ہنستے جانا ہے اتنا پھنستے جانا ہے

جو برسوں میں ہوا کرتا تھا پہلے یہاں برسوں سے اکثر ہورہا ہے

چلو ، کچھ اس کی توجہ ادھر ہوئی تو سہی وہ اب کی بار بہت بدگماں دکھائی دیا

صاف شفاف بھی پانی کی طرح نیتِ دل دیکھنے والے نے دیکھا اسے گدلا کرکے

فرق اتنا نہ سہی عشق و ہوس میں لیکن میں تو مرجاؤں ترا رنگ بھی میلا کرکے