Tag: محسن اسرار کی شاعری

بے خبری میں ہونٹ دیے کی لو کو چومنے والے تھے وہ تو اچانک پھوٹ پڑی تھی خوشبو رات کی رانی سے

مجھے جہاں سے نہ یوں سرسری گزارا جائے مرے خدا! مجھے آواز دے کے مارا جائے

ہذیان بک رہا ہوں سخن کے بجائے میں تنبیہ کر رہا ہوں کہ مجنوں سنے مجھے

کیا بات چھپا رکھی ہے تو نے سرِ مژگاں چہرے پہ ترے انجمن آرائی بہت ہے

وہ توڑ گئی طیش میں خوابوں کی قطاریں میں تھام کے بیٹھا رہا سورج کی کرن کو

اسے دکھ ہے تو کیوں کرتی نہیں دکھ کا تدارک ہے دنیا دار تو پھر مصلحت خُو کیوں نہیں ہے

اُدھر زمان و مکاں ہیں اِدھر ہے میرا وجود سوال یہ ہے کہ پہلے کسے سنوارا جائے