تمام پیڑ،پرندے درود پڑھنے لگے کہ اُن کے آتے ہی سارے درود پڑھنے لگے یہ خوشبوئیں بھی بدن کا طواف کرنے لگیں فقیر مستی میں ایسے درود پڑھنے لگے خوشا کہ آلِ محمد نے تھام لی انگلی خوشا کہ ہم سے نکمّے درود پڑھنے لگے ہوا نے میٹھے سروں میں کہیں تلاوت کی شجر بھی وجد میں آئے درود پڑھنے لگے ہمارے حصے میں اُس در کی چاکری آئی ہمارے گھر کے بھی بچے درود پڑھنے لگے کسی شجر کے جو سائے میں آپ بیٹھ گئے چہک چہک کے پرندے درود پڑھنے لگے دعا کو ہاتھ اُٹھانے کی دیر تھی آصف کہ اشک گالوں پہ ڈھلکے درود پڑھنے لگے
نعتِ رسولِ مقبول صلی اللہ علیہ و آلہ وسلم ۔۔۔ یاسر رضا آصف
