بیت بازی – Caarwan

راحت اندوری

مزہ چکھا کے ہی مانا ہوں میں بھی دنیا کو سمجھ رہی تھی کہ ایسے ہی چھوڑ دوں گا اسے

کِھلا ہوا بھی یہاں دیکھتی بہار مجھے مگر ملا نہیں ماحول سازگار مجھے

کوئی بھی کام نہ دل سے کبھی کیا شہزاد یہاں تو ہم نے محبت بھی اختیاری کی

تیرا سورج کے قبیلے سے تعلق تو نہیں یہ کہاں سے تجھے آیا ہے سبھی کا ہونا

مضافاتی ہوں پھر بھی سوچتا ہوں نہ جانے شہر میں کیا ہو رہا ہے

جو حقیقت میں کھنکتی تھی کہانی کیا ہوئی عمر کے گُلّک میں رکھی رایگانی کیا ہوئی

ملے نہ تم تو تہی دامنی کھُلی مجھ پر میں سوچتاتھازمانہ مری گرفت میں ہے

نہ ہوتا خانماں تو خانماں برباد کیوں ہوتی اداؔ یہ رنگ لائی آرزوئے آشیاں میری

ستارو آؤ مری راہ میں بکھر جاؤ یہ میرا حکم ہے حالانکہ کچھ نہیں ہوں میں

ہمارے میر تقی میر نے کہا تھا کبھی میاں یہ عاشقی عزت بگاڑ دیتی ہے