س – Caarwan

قتیل شفائی

سرِ بام بھی پکارا ، لبِ دار بھی صدا دی میں کہاں کہاں نہ پہنچا تری دید کی لگن میں

ستم کے بعد کرم کی ادا بھی خوب رہی جفا تو خیر جفا تھی وفا بھی خوب رہی

سفر پہ نکلے ہیں ہم پورے اہتمام کے ساتھ ہم اپنے گھر سے کفن ساتھ لے کے آئے ہیں

سارے منظر فسوں تماشا ہیں کل گھٹائیں تھیں آج دریا ہیں

سنکٹ کے دن تھے تو سائے بھی مجھ سے کتراتے تھے سکھ کے دن آئے تو دیکھو دنیا میرے ساتھ ہوئی

سوادۓ زلیخا کی تصویر نظر آئی پاۓ مہِ کنعاں کی زنجیر نظر آئی

سنا ہے امن پرستوں کا وہ علاقہ ہے وہیں شکار کبوتر ہوا تو کیسے ہوا

سنگ اٹھانا تو بڑی بات ہے اب شہر کے لوگ آنکھ اٹھا کر بھی نہیں دیکھتے دیوانے کو

سیرت کسی کی خوب ہے صورت کسی کی خوب کوئی ہمارے دل میں ہے کوئی نظر میں ہے

سجدے تڑپ رہے ہیں جبینِ نیاز میں سر ہیں کسی کی زلف کا سودا لیے ہوئے