ج – Caarwan

بسمل صابری

جب آیا عید کا دن، گھر میں بے بسی کی طرح تو میرے پھول سے بچوں نے مجھ کو گھیر لیا

جو مہ و سال گزارے ہیں بچھڑ کر ہم نے وہ مہ و سال اگر ساتھ گزارے ہوتے

جب بیاں کرو گے تم ہم بیاں میں نکلیں گے ہم ہی داستاں بن کر داستاں میں نکلیں گے

جب بھی آتا ہے مرا نام ترے نام کے ساتھ جانے کیوں لوگ مرے نام سے جل جاتے ہیں

جس راہ پر پڑے تھے ترے پاؤں کے نشاں اس راہ سے کسی کو گزرنے نہیں دیا

جا کے جن تازہ مزاروں پہ چراغاں کرنا ایک ٹوٹی ہوئی تربت پہ بھی احساں کرنا

جن آنکھوں نے گجرات کے دیکھے ہیں مناظر تا عمر انہیں اب نہیں آرام ملے گا

جادۂ زیست پہ برپا ہے تماشا کیسا دوست بچھڑا ہے ہر اک گام پہ کیسا کیسا

جلوہ افروز ہے کعبہ کے اجالوں کی طرح دل کی تعمیر کہ کل تک تھی شوالوں کی طرح

جھک کر سلام کرنے میں کیا حرج ہے مگر سر اتنا مت جھکاؤ کہ دستار گر پڑے