ر – Caarwan

حمایت علی شاعر

روشنی میں اپنی شخصیت پہ جب بھی سوچنا اپنے قد کو اپنے سائے سے بھی کم تر دیکھنا

روز راہوں سے گزرتا ہے صداؤں کا جلوس دل کا سناٹا مگر روز بڑھا کرتا ہے

راہِ خدا میں نفسِ حریفانہ ساتھ ہے ہشیار اک ذرا سگِ دیوانہ ساتھ ہے

رابطہ لاکھ سہی قافلہ سالار کے ساتھ ہم کو چلنا ہے مگر وقت کی رفتار کے ساتھ

روشنی مجھ سے گریزاں ہے تو شکوہ بھی نہیں میرے غم خانے میں کچھ ایسا اندھیرا بھی نہیں

رنگ اس محفلِ تمکیں میں جمایا نہ گیا خامشی سے بھی مرا حال سنایا نہ گیا

ﺭﻭﺷﻨﯽ ﮐﮯ ﺯﺍﻭﯾﻮﮞ ﭘﺮ ﻣﻨﺤﺼﺮ ﮨﮯ ﺯﻧﺪﮔﯽ ﺁﭖ ﮐﮯ ﺑﺲ ﻣﯿﮟ ﻧﮩﯿﮟ ﮨﮯ ﺁﭖ ﮐﺎ ﺳﺎﯾﮧ ﯾﮩﺎﮞ

رُلایا ہم نے نرگس کو ہزاروں سال اَخلاقاً چمن میں کچھ نہیں بدلا، نہ کوئی دیدہ ور آیا

رات تو وقت کی پابند ہے ڈھل جائے گی دیکھنا یہ ہے چراغوں کا سفر کتنا ہے

رات کی دھڑکن جب تک جاری رہتی ہے سوتے نہیں ہم ذمہ داری رہتی ہے