و – Caarwan

ادا جعفری

وہ بے نقاب سامنے آئیں بھی اب تو کیا دیوانگی کو ہوش کی فرصت نہیں رہی

کس قدر اچھا ہے نور اس کا خود مستور ہے جلوہ گر دل کے قریب آنکھوں سے دور ہے

وہاں بالوں میں کنگھی ہو رہی ہے خم نکلتا ہے یہاں رگ رگ سے کھنچ کھنچ کر ہمارا دم نکلتا ہے

وہ بزم دیکھیے طرب افزا کہیں جسے ٹوٹا ہے دل ہی سازِ تمنا کہیں جسے یہ دل ہو خونِ شرحِ تمنا کہیں جسے ٹپکے وہ قطرہ آنکھ سے دریا کہیں جسے

واقعہ کچھ بھی ہو سچ کہنے میں رسوائی ہے کیوں نہ خاموش رہوں اہل نظر کہلاؤں

وہ دل ہی کیا ترے ملنے کی جو دعا نہ کرے میں تجھ کو بھول کے زندہ رہوں خدا نہ کرے

وہ اور کچھ نہ سہی لطفِ انتظار تو ہے کہ غیر کو ترے وعدے کا اعتبار تو ہے

وہ عالم ہے کہ منہ پھیرے ہوۓ عالم نکلتا ہے شبِ فرقت کے غم جھیلے ہوؤں کا دم نکلتا ہے

وہ بات جس پہ مدار وفا ہے یزدانی وہ بات کہنا پڑے گی حضور یار مجھے

وہ کیسی آس تھی ادا جو کو بہ کو لیے پھری وہ کچھ تو تھا جو دل کو آج تک کبھو ملا نہیں