دل کو سنبھالے ہنستا بولتا رہتا ہوں لیکن سچ پوچھو تو زیبؔ طبیعت ٹھیک نہیں ہوتی

مجھ سے بچھڑ کر ہوگا سمندر رات ڈھلے تو کرتا ہوگا شور بہت

دھو کے تو میرا لہو اپنے ہنر کو نہ چھپا کہ یہ سرخی تری شمشیر کا جوہر ہی تو ہے

دھو کے تو میرا لہو اپنے ہنر کو نہ چھپا کہ یہ سرخی تری شمشیر کا جوہر ہی تو ہے

مری جگہ کوئی آئینہ رکھ لیا ہوتا نہ جانے تیرے تماشے میں میرا کام ہے کیا

الٹ رہی تھیں ہوائیں ورق ورق اس کا لکھی گئی تھی جو مٹی پہ وہ کتاب تھا وہ

نہ جانے کیا ہے کہ جب بھی میں اس کو دیکھتا ہوں تو کوئی اور مرے رو بہ رو نکلتا ہے

میں لاکھ اسے تازہ رکھوں دل کے لہو سے لیکن تری تصویر خیالی ہی رہے گی