م – Caarwan

ناظم علی خان ہجر

مجھے وہ یاد کرتے ہیں یہ کہہ کر خدا بخشے نہایت باوفا تھا

مر بھی گئے ہم اور نہ ان تک خبر گئی اے آہِ واپسیں یہ بتا تو کدھر گئی

محشر میں جا کے آخر کیا داد خواہ کرتے کہتا اسی کی ایسی جس کو گواہ کرتے

مستیٔ رندانہ ہم سیرابیٔ مے خانہ ہم گردش تقدیر سے ہیں گردشِ پیمانہ ہم

میں جہاں تم کو بلاتا ہوں وہاں تک آؤ میری نظروں سے گزر کر دل و جاں تک آؤ

مجھے بس اتنی شکایت ہے مرنے والوں سے وہ بے نیاز ہیں کیوں یاد کرنے والوں سے

مرے قریب سے گزرا نہیں ہے سنگ تراش مجسمہ ہوں میں اب تک مگر چٹان میں ہوں

میں دریا ہوں مگر بہتا ہوں میں کہسار کی جانب مجھے دنیا کی پستی میں اتر جانا نہیں آتا

مقتلِ شوق کے آداب نرالے ہیں بہت دل بھی قاتل کو دیا کرتے ہیں سر سے پہلے

مجھ میں ہے یہی عیب کہ اوروں کی طرح میں چہرے پہ کبھی دوسرا چہرا نہیں رکھتا