ک – Caarwan

ناظم علی خان ہجر

کبھی یہ فکر کہ وہ یاد کیوں کریں گے ہمیں کبھی خیال کہ خط کا جواب آئے گا

کچھ خبر ہے تجھے او چین سے سونے والے رات بھر کون تری یاد میں بیدار رہا

کسی نے راہ کا پتھر ہمیں کو ٹھہرایا یہ اور بات کہ پھر آئنہ ہمیں ٹھہرے

کام اب کوئی نہ آئے گا بس اک دل کے سوا راستے بند ہیں سب کوچۂ قاتل کے سوا

کیوں مرے لب پہ وفاؤں کا سوال آ جائے عین ممکن ہے اسے خود ہی خیال آ جائے

کیوں سب کی طرح بھیگ گئی ہیں تری پلکیں ہم نے تو تجھے حال سنایا نہیں اتنا

کیا مصلحت شناس تھا وہ آدمی قتیل مجبوریوں کا جس نے وفا نام رکھ دیا

کس کو فرصت ہے مجھے ڈھونڈنے نکلے احمدؔ اپنی ہی چاپ پہ کب تک میں پلٹ کر دیکھوں

کیا عشق تھا جو باعثِ رسوائی بن گیا یارو تمام شہر تماشائی بن گیا

کہاں تک تھی خوشی کے ساتھ وابستگی غم کی ذرا شیرازہ بندی دیکھیۓ اجزاۓ عالم کی