ادا جعفری

وہ کیسی آس تھی ادا جو کو بہ کو لیے پھری وہ کچھ تو تھا جو دل کو آج تک کبھو ملا نہیں

بجھی ہوئی ہیں نگاہیں غبار ہے کہ دھواں وہ راستہ ہے کہ اپنا بھی نقش پا نہ ملے

خلشِ تیرِ بے پناہ گئی لیجیے ان سے رسم و راہ گئی

صدیوں سے مرے پاؤں تلے جنت‌ِ انساں میں جنت‌ انساں کا پتا ڈھونڈھ رہی ہوں

کوئی طائر ادھر نہیں آتا کیسی تقصیر اس مکاں سے ہوئی

سجدے تڑپ رہے ہیں جبینِ نیاز میں سر ہیں کسی کی زلف کا سودا لیے ہوئے

اداجعفری

دل کی آزردگی بجا لیکن وہ بھی محرومِ یک نگاہ رہے

پھر نگاہوں کو آزما لیجے پھر وفاؤں پہ اشتباہ رہے

نہ ہوتا خانماں تو خانماں برباد کیوں ہوتی اداؔ یہ رنگ لائی آرزوئے آشیاں میری

جس کی باتوں کے فسانے لکھے اس نے تو کچھ نہ کہا تھا شاید