شیر افضل جعفری

ہر لفظ کنکری کی طرح غیر پر گرا اپنی دعا فلک پہ ابابیل ہو گئی

محسن بھوپالی

مے خانے کی توہین ہے، رندوں کی ہتک ہے کم ظرف کے ہاتھوں میں اگر جام دیا جائے

زندگی تجھ سے کون جانے کب ٹوٹ جائے گا سلسلہ دل کا

تمھاری بزم بھی کیا بزم ہے آداب ہیں کیسے وہی مقبول ہوتا ہے جو گستاخانہ آتا ہے

جس طرف بیٹھتے تھے وصل میں آپ اسی پہلو میں درد رہتا ہے

زندگی اتنی غنیمت تو نہیں جس کے لیے عہدِ کم ظرف کی ہر بات گوارا کر لیں

جن کے ہونٹوں پہ ہنسی، پاؤں میں چھالے ہوں گے ہاں وہی لوگ تمھیں چاہنے والے ہوں گے

میں ترے ساتھ بہت دور نکل آیا ہوں زندگی اب تو مجھے لوٹ کے گھر جانے دے

پھر وہی دانستہ ٹھوکر کھائیے پھر مری آغوش میں گر جائیے

میرے دامن میں شراروں کے سوا کچھ بھی نہیں آپ پھولوں کے خریدار نظر آتے ہیں