زمیں بدلتا ہوا آسماں بدلتا ہوا
میں خود بدل گیا کون و مکاں بدلتا ہوا
دُرونِ خیمۂ دِل ہے سماں بدلتا ہوا
کوئی ہو رات کو جیسے مکاں بدلتا ہوا
تِری کنیز ، تِری رازداں بدلتی ہوئی
مِرا امیر ، مِرا مہرباں بدلتا ہوا
تری گلی سے نکلنے کا استعارہ ہے
مرا ستارہ سرِ آسماں بدلتا ہوا
کوئی سپاہی بے تیغ و تبر سرِ میداں
کوئی سپاہی مچان و کماں بدلتا ہوا
جنابِ پیر! جسے تونے آگہی بخشی
وہی مْرید ہے کیوں آستاں بدلتا ہوا
حَسِین لڑکیاں کیسے بھلا سکوں گا میں
پہنچ تو جاؤں گا گھر گاڑیاں بدلتا ہوا
