2021 نومبر – صفحہ 10

خالد احمد

دستِ ہَوا سے پرتوِ ادراک ہو گئے بادل بکھر کے دامنِ صَد چاک ہو گئے

وہ خوف تھا کہ فقط وہم تھا کہ دُھوکا تھا نہ جانے کیا اسے خود اس سے دور رکھتا تھا

آنکھ کب جھپکے گی ، بکھرے گی یہ زنجیرکہاں اے مرے خوابِ رواں! ہے تری تعبیر کہاں

شہر کا شہر آشنا ٹھہرے اجنبی ایک بھی گلی نہ رہے

روپ کو دھن جانا تو من میں لوبھ گھنیرا پھیل گیا دریا دریا ، صحرا صحرا ، دامن میرا پھیل گیا

اے بے گنہی !تو مرے ہمراہ چلے گی سر لے کے بھی الزام نہ اترے مرے سر سے

اہلِ زنداں کے لیے تازہ ہوا آنے کو ہے شہرِ جاناں سے کوئی تازہ نوا آنے کو ہے

کوئی ستم نیا نہیں ، کوئی کرم نیا نہیں مرکزِ التفات بھی ، جاں ، ہدفِ خدنگ بھی

زندگی کے دکھ ازل سے زندگی کے ساتھ ہیں لوگ فانی ہیں مگر لوگوں کے دکھ فانی نہیں

کیسی ٹھنڈی ہوا چلی خالد چاند کیا ، جَل بجھے ستارے بھی