Month: 2024 جنوری

بیگماتی بونسروں کو بے اثر اس نے کیا ایک ہیلمٹ اوڑھ کر محفوظ سر اس نے کیا یہ تو اس موذی کے بائیں ہاتھ کا ہی کھیل ہے خیر کو اپنی صلاحیت سے شر اس نے کیا میرے جذبوں کی دھنک کو اس کی دیمک لگ گئی میں بڑا رنگین تھا پر ڈس کلر اس نے کیا بار برداری میں الجھا ہے وہ شوہر رات دن اچھے خاصے آدمی کو جانور اس نے کیا

ہے کامیابیٔ مرداں میں ہاتھ عورت کا مگر تو ایک ہی عورت پہ انحصار نہ کر

یہ بتا حال کیا ہے لاکھوں کا مجھ سے دو چار دس کی بات نہ کر

کمر سیدھی کرنے ذرا میکدے میں  عصا ٹیکتے کیا ریاض آ رہے ہیں

دنیا میری بلا جانے مہنگی ہے یا سستی ہے موت ملے تو مفت نہ لوں ہستی کی کیا ہستی ہے آبادی بھی دیکھی ہے، ویرانے بھی دیکھے ہیں جو اُجڑے اور پھر نہ بسے دل وہ نرالی بستی ہے خود جو نہ ہونے کا ہو عدم کیا اسے ہونا کہتے ہیں نیست نہ ہو تو ہست نہیں یہ ہستی کیا ہستی ہے عجزِ گناہ کے دم تک ہیں عصمتِ کامل کے جلوے پستی ہے تو بلندی ہے رازِ بلندی پستی ہے جان سی شے بک جاتی ہے ایک نظر کے…

اور بازار سے کیا  لے جاؤں پہلی بارش کا مزا  لے جاؤں کچھ تو سوغات دوں گھر والوں کو رات آنکھوں میں سجا لے جاؤں گھر میں ساماں تو ہو دلچسپی کا حادثہ کوئی اٹھا لے جاؤں اک دیا دیر سے جلتا ہوگا ساتھ تھوڑی سی ہوا لے جاؤں کیوں بھٹکتا ہوں غلط راہوں میں خواب میں اس کا پتہ لے جاؤں روز کہتا ہے ہوا کا جھونکا آ تجھے دور اُڑا  لے جاؤں آج پھر مجھ سے کہا دریا نے کیا ارادہ ہے، بہا  لے جاؤں گھر سے جاتا…

میں ایک بوری میں لایا ہوں بھر کے مونگ پھلی کسی کے ساتھ دسمبر کی رات کاٹنی ہے

مُجھ کو پناہ دے کے جو گیلا درخت ہے اللہ کے کرم کا وسیلہ درخت ہے لہجوں میں کاش ذائقہ اُس کا بھی آ سکے جو میٹھی چھاؤں دیتا رَسِیلا درخت ہے مَیں آدمی کے روپ میں ظاہر ہوا تو ہوں لیکن در اصل میرا قبیلہ درخت ہے کوئی وہاں پڑاؤ نہیں ڈالتا کبھی موجود جس زمین پہ نیلا درخت ہے اُس شاخِ گُل نے دیکھ کے بے ساختہ کہا کیسا جوان، چھَیل چھبیلا درخت ہے ! بے حد قریب رات کی رانی کھِلی ہوئی خوشبو میں مست مست، نشیلا…