بیت بازی – صفحہ 144

عابد اللہ غازی

کہاں لے کے آیا ہمیں اب زمانہ بہت یاد آتا ہے گزرا زمانہ

پتھروں میں ہم بھی پتھر ہو گئے اب غمِ سود و زیاں کچھ بھی نہیں

جلا کے کون مجھے اب چلے کسی کی طرف بجھے دیے کو تو عادل کھنڈر میں رہنا ہے

کرچی کرچی خواہشیں آنکھوں میں چبھ کر رہ گئیں زرد موسم آس کی ہریالیوں کو کھا گئے

یوں تری راہ میں پڑے ہوئے ہیں جیسے درگاہ میں پڑے ہوئے ہیں

مسافروں کی تواضع سے نام ہوتا ہے کرم کرو کہ غریب الدیار ہم بھی ہیں

یہی نہیں کہ فقط پیار کرنے آئے ہیں ہم ایک عمر کا تاوان بھرنے آئے ہیں

خشک نہروں سے صدائے تشنگی آتی رہی اور سمندر موجِ بے آواز سے سرشار تھا

نہ رکنا راہ میں شرطِ سفر میں شامل تھا تھکن سے ورنہ بہت چور چور میں بھی تھا

آنکھوں میں لال ڈورے سے پڑتے چلے گئے آنسو یہ کس ہنر سے پروتا رہا غزل