شبیر (ع )میرے سینے میں دلگیر تیرا غم اِس کائنات میں مری جاگیر تیرا غم ہر ایک رنج و غم کا مداوا غمِ حسین (ع ) ہر اک ستم رسید کو اکسیر تیرا غم میرے حسین( ع ) تیری تلاوت سرِ سناں ذبحِ عظیم کی ہے وہ تفسیر تیرا غم ممکن کہاں ہے شامِ غریباں کو سوچنا ممکن کہاں کہ ہو سکے تحریر تیرا غم دل میں ہیں جاگزیں تری بس یاد کے نقوش آنکھوں میں ہے وہ خواب کہ تعبیر تیرا غم چاہوں بھی اور کیا؟ میں ترے غم کے ماسوا بس ہو دعا میں صورتِ تاثیر تیرا غم تیرا گلو ہی بوسہ گہہِ مصطفےٰ(ص ) ہے کیوں؟ پوچھے کوئی رسول سے شبیر تیرا غم
سلام بحضور امامِ عالی مقام….. احمد عرفان
