دن گزرتے جا رہے ہیں
۔۔۔۔۔۔۔۔۔۔۔۔۔۔۔۔۔۔۔
ہم بھی مرتے جا رہے ہیں
تیرے بعد
ہم دکھوں کے،
آنسوئوں کے باد و باراں میں
نہتے دل کے ساتھ
بے پنا ہے راستوں پر
پائوں دھرتے جا رہے ہیں
دن گزرتے جا رہے ہیں
لمحہ لمحہ خوف کے مارے ہوئے
رات دن کے وسوسوں میں
کیا خبر کیا بیت جائے اگلے پل
اس سفر میں ذہن سوچوں کے تھپیڑوں
سے ہے شل
اور ہم خود ہی سے ڈرتے جا رہے ہیں
دن گزرتے جا رہے ہیں
Related posts
-
حامد یزدانی ۔۔۔ سوالیہ اندیشے
سوالیہ اندیشے ۔۔۔۔۔۔۔۔۔۔۔ اس خزاں کی نئی اداسی کا رنگ کتنے برس پرانا ہے؟ زندگی مسکرا... -
خاور اعجاز ۔۔۔ امکان (نثری نظم) ۔۔۔ ماہنامہ بیاض اکتوبر ۲۰۲۳)
امکان ۔۔۔۔۔۔۔۔۔ رات کو پیدا ہونے والی تاریکی روشنی کا مطالبہ کرتے ہُوئے گھبرا جاتی ہے... -
صفدر صدیق رضی ۔۔۔ محبت (ماہنامہ بیاض لاہور اکتوبر 2023 )
محبت ۔۔۔۔۔ محبت کا مفہوم اگر جاننا چاہتے ہو تو اک شیر خوار اور معصوم بچّے...