2019 اگست – صفحہ 9

عطاء الرحمن قاضی

تشنگی ہے کہ سرابوں میں لیے پھرتی ہے مر ہی جائیں گے، عطا! پیاس اگر بجھ جاۓ

مجھ سے منسوب ہے غبار مرا قافلے میں نہ کر شمار مرا

مرے کس کام کے ہیں اب یہ کوے اور کبوتر عبث برباد گھر کی چاردیواری کریں گے

کچھ پل کلام چھاوں بھرے روپ سے رہا پھر عمر بھر مکالمہ اک دھوپ سے رہا

مدتوں بعد کوئی چاپ سنائی دی ہے میرا سایہ ہے، مجھے ڈھونڈنے آیا ہو گا

کچھ زہر اگل رہی ہے بلبل کچھ زہر ملا ہوا ہے مے میں

وقت کرتا ہے پرورش برسوں حادثہ ایک دم نہیں ہوتا

دیوار گر رہی ہے ہمارے مکان کی پہنچاو بات خضر علیہ السلام تک

اس دردِ جدائی سے کہیں جان نکل جائے آزردہ! مرے حق میں ذرا یوں بھی دعا کر

گدائے عشق ہوں، انکار آپ کا حق ہے مگر سلیقے، قرینے سے ٹالیے مجھ کو