2021 فروری – صفحہ 14

میر مہدی مجروح

عشق کو ضبط وہ کرے تو کرے آگ کو خس میں جو چھپا جانے

کہا کس تیرہ دل نے تجھ کو اے غم کہ دل کی آرسی پر زنگ ہو جا

موقوف دیکھنے ہی پہ ہے کیا بیاں کروں ناصح جو کچھ بہار ہے دیوانہ پن کے بیچ

دوستو تم سے کیا کہوں احوال کچھ نہ پوچھو یہ ماجرا ہے اور

زمیں کا نہ پیوند اے آسماں کر یہ نقشے نہیں ہیں مٹانے کے قابل

دل تاسف کا ہو گیا پامال لشکرِ غم کے آنے جانے میں

دوش بدوش دوش تھا مجھ سے بتِ کرشمہ کوش پردہ درِ خیامِ عقل، رخنہ گرِ حریمِ ہوش

سیل آنسو کی بہی جاتی ہے دل کی تعمیر ڈھہی جاتی ہے