عادل رضا منصوری

جلا کے کون مجھے اب چلے کسی کی طرف بجھے دیے کو تو عادل کھنڈر میں رہنا ہے

آفتاب لکھنوی

کافر تھا میں ضرور مگر ان کے عشق میں منٹوں میں کیا سے کیا مرا ایمان ہو گیا ان کی نظر سے میری نظر دس بجے لڑی دس بج کے دس منٹ پہ مسلمان ہو گیا

کرچی کرچی خواہشیں آنکھوں میں چبھ کر رہ گئیں زرد موسم آس کی ہریالیوں کو کھا گئے

یوں تری راہ میں پڑے ہوئے ہیں جیسے درگاہ میں پڑے ہوئے ہیں

مسافروں کی تواضع سے نام ہوتا ہے کرم کرو کہ غریب الدیار ہم بھی ہیں

یہی نہیں کہ فقط پیار کرنے آئے ہیں ہم ایک عمر کا تاوان بھرنے آئے ہیں

خشک نہروں سے صدائے تشنگی آتی رہی اور سمندر موجِ بے آواز سے سرشار تھا

نہ رکنا راہ میں شرطِ سفر میں شامل تھا تھکن سے ورنہ بہت چور چور میں بھی تھا

آنکھوں میں لال ڈورے سے پڑتے چلے گئے آنسو یہ کس ہنر سے پروتا رہا غزل

میں بھی ہوں بزم میں، رقیب بھی ہے آخری فیصلہ تو اب ہو گا