م – صفحہ 10

محسن اسرار

میرے گھر کی بات الگ صحرا بھی ہے دریا بھی

میں پُل نہ باندھ سکا پانیوں کے دھارے پر وہ منتظر ہی رہا دوسرے کنارے پر

میں تکیے پر ستارے بو رہا ہوں جنم دن ہے، اکیلا رو رہا ہوں

مجھ مست کو مے کی بُو بہت ہے دیوانے کو ایک ہُو بہت ہے

میرے ٹوٹے حوصلے کے پر نکلتے دیکھ کر اس نے دیواروں کو اپنی اور اونچا کر دیا

مے خانے کی توہین ہے، رندوں کی ہتک ہے کم ظرف کے ہاتھوں میں اگر جام دیا جائے

میرے دامن میں شراروں کے سوا کچھ بھی نہیں آپ پھولوں کے خریدار نظر آتے ہیں

مقاماتِ فکر و نظر کون سمجھے یہاں لوگ نقشِ قدم دیکھتے ہیں

مسجد میں، مے کدے میں، تری جلوہ گاہ میں لمحاتِ عشق ہم نے گزارے کہاں کہاں

مُڑ کے دیکھے ہماری زبوں حالیاں وقت کو اتنی فرصت کہاں دوستو