بیت بازی – صفحہ 173

شفیق آصف

برگِ گُل سے تیری خُوشبُو لے کے آئے گی صبا تتلیوں کے پَر ترا بندِ قبا ہو جائیں گے

ہم کہ اک عمر چُراتے رہے آنکھیں جن سے اُن سوالات نے اب حشر مچایا ہوا ہے

تمھیں میری ضرورت بھی پڑے گی پرانے شہر کا نقشہ ہے مجھ میں

تم سے ایسے ہو گیا ہے رابطہ دیکھے بغیر جس طرح ہم سانس لیتے ہیں ہوا دیکھے بغیر

رات بھر اِک چاپ سی پِھرتی رہی چاروں طرف جان لیوا خوف تھا لیکن ہُوا کچھ بھی نہیں

بھلے وہ ہونٹ مرے نام پر لرزنے لگیں مگر وہ آنکھیں مجھے دیکھ کر اداس نہ ہوں

اسے پکارنے میں دیر ہو گئی مجھ سے وگرنہ یہ مرا سایہ تھا اور یہ میں تھا

تو نے تھوڑی سی بے رخی برتی میں سماوات سے نکل آیا

ادھورے نقش وگرنہ کشش نہیں رکھتے کیا گیا ہے کوئی خاص تجربہ مجھ پر

اتنی نہ بڑھا پاکی داماں کی حکایت دامن کو ذرا دیکھ ذرا بندِ قبا دیکھ