بیت بازی – صفحہ 174

محمد عابد دل عظیم آبادی

مستوں کو ستا کے شیخ صاحب کیا اپنے خدا سے پائیے گا

اس قدر عیشِ محبت پہ نہ ہو خوش کہ تجھے دوسرے عشق میں نقصان اٹھانا پڑ جائے

اس رشتہِ لطیف کے اسرار کیا کھلیں تو سامنے تھا اور تصور خدا کا تھا

میں ہوں وحشت میں گم میں تیری دنیا میں نہیں رہتا بگولہ رقص میں رہتا ہے صحرا میں نہیں رہتا

غنیمت جان جینا آدمی کا بھروسا کچھ نہیں اس زندگی کا

مثالِ نے ہے مرے جب تلک ہے دم میں دم فغاں ہے میرے لیے اور میں فغاں کے لیے

خبرِ تحیرِ عشق سن نہ جنوں رہا نہ پری رہی نہ تو تو رہا نہ تو میں رہا جو رہی سو بے خبری رہی

مری طرح سے مہ و مہر بھی ہیں آوارہ کسی حبیب کی یہ بھی ہیں جستجو کرتے

ترے فراق میں جیسے خیال مفلس کا گئی ہے فکرِ پریشاں کہاں کہاں میری

جب بگولہ کوئی اٹھا تو میں وحشی سمجھا میرے رہنے کو حویلی ہوئی تیار نئی