بیت بازی – صفحہ 172

محمد میر سوز

رات کو نیند ہے نہ دن کو چین ایسے جینے سے اے خدا گزرا

ہر آن نئے سوال تائب اعصاب جواب دے گئے ہیں

ابھی کسی کو میری آگہی نہیں ابھی میں اختیار ہو نہیں رہا

اس راہ سے چھپ چھپ کر گزری رت سبز سنہرے پھولوں کی جس راہ پہ تم کبھی نکلے تھے گھبرائے ہوئے شرمائے ہوئے

جو دبی ہے چنگاری، اب اسے نہ چھیڑیں لوگ، آگ سے نہ کھیلیں لوگ ضبط کی بھی اک حد ہے، ویسے ہم ابھی تک تو آہِ ناکشیدہ ہیں

آ گئیں شام ابد تک زیست کی پرچھائیاں رات کے بے رنگ سائے ہاتھ ملتے رہ گئے

کوئی چوپال ہے نہ قصہ گو بجھ گئی داستاں الاؤ کے ساتھ

ضروریاتِ جہاں ہم سے پوچھنے والے تجھے یہ کیسے بتائیں کہ تُو ضروری ہے

یہ لوگ اٹھ تو رہے ہیں زمیں کے منظر سے فلک کے پاس کوئی انتظام ہے کہ نہیں

قدم قدم پہ چٹکتی ہیں شوق کی کلیاں صبا کی شوخی رفتار ہم بھی رکھتے ہیں