آفتاب محمود شمس ۔۔۔ ’’قریۂ چھب‘‘ کا ایک دریش

’’قریۂ چھب‘‘ کا ایک دریش

۔۔۔۔۔۔۔۔۔۔۔۔۔۔۔۔۔۔۔

سنا ہے ’’قریۂ چھب‘‘ میں ہے اک درویش
محبت کے سدا جو گیت ہی گائے
یقیں بن کر کھڑا ہے بے یقینی میں
جو مفہومِ وفا پتھر کو سمجھائے

محبت سے بھرے ہیں لفظ سارے ہی
ستاروں سے ہیں روشن تر سبھی افکار
بہت مدت گزرنے پر ابھی تک ہیں
بصیرت کی وہ تصویریں سرِ دیوار

ہے روشن تر فلک پر آفتابِ شعر
مثالِ ماہ ہے ظلمت میں راتوں کی
تو مرشد ہے سراپا ، پیر لفظوں کا
تری بیعت میں ہے گٹھڑی خزانوں کی

رہے شوکت کی شوکت بزمِ ہستی میں
سدا آباد ہو شہرِ سخن اُس کا
وہ پورا ہو جو اُس کا خواب ہے دل میں
پھلا پھولا رہے صدیوں چمن اُس کا

Related posts

Leave a Comment