نثری نظم
اسرارِ لطیف ومن الجمیل
۔۔۔۔۔۔۔۔۔۔۔۔
وہ آسماں پر۔۔۔!
نمائیل ، ثرومائیل ، عشقائیل کے روبرو۔۔۔!
دستِ حنائی سے چراغ روشن کرتی رہے گی۔
میں زمیں پر پتھروں کو۔۔۔!
لہو میں ڈبوتے ہوئے۔۔۔ریت کو نچوڑتے ہوئے۔۔۔!
حساس حنیف کے آنگن میں ،
تہذیبِ خواب ، وحدتِ شباب کے ساتھ
غیرتِ جمال ، سبز حجاب کی روایتیں بیان کرتا رہوں گا۔
روشن چراغوں کے بیچ۔۔۔!
سوسن و نسترن ابابیلوں کو یاد کرتی رہیں گی۔
میرے حوصلے کی۔۔۔میرے رقص بسمل کی مثالیں دیں گی۔
آلِ بدعت ۔۔۔۔۔!
مجھے باغی کہیں گے۔۔۔۔سنگسار کریں گے۔
آہوانِ دشت کی قسم۔۔۔!
میں دردائیل ، رومائیل کے ساتھ۔۔۔!
سرمئی وادیوں میں گلاب سجاتا رہوں گا۔
سورۂ کہف کی تلاوت کرتا رہوں گا ۔
