ذکر ہے خیرالوریٰ کا روشنی ہی روشنی
میرے آقا کا ہے جلوہ روشنی ہی روشنی
آپؐ کی آمد سے پہلے ظُلمتیں ہی ظُلمتیں
آپؐ کا دُنیا مں آنا روشنی ہی روشنی
آپؐ حسنِ لَم یَزل ہیں، مِدحتِ نورِ خدا
آپؐ کا پیکر سراپا روشنی ہی روشنی
اُس میں ہے اللہ کا گھر، اِس میں روضہ آپؐ کا
ایک مکّہ، ایک طیبہ، روشنی ہی روشنی
آفتاب و ماہتاب و کہکشاں اپنی جگہ
تھا مُحمّد کا ستارہ روشنی ہی روشنی
جس گھڑی نعتِ نبیؐ لکھنے لگا، ایسا لگا
گھر مِرا سارے کا سارا روشنی ہی روشنی
اِک طرف سارا جہاں تھا تِیرگی ہی تِیرگی
اِک طرف غارِ حِرا تھا روشنی ہی روشنی
دیکھئے نعتِ نبیؐ کہنے کا یہ اعجاز ہے
ہو گیا عُظمی سراپا روشنی ہی روشن
