بلیغ رام پوری

مُڑ کے دیکھے ہماری زبوں حالیاں وقت کو اتنی فرصت کہاں دوستو

امین اشرف

جب کہیں بات چلی ہے غمِ الفت کی امین داستاں آ کے رُکی ہے مرے افسانے تک

ہائے کس وقت ہمیں شہرِ وفا یاد آیا پڑ گئی جب سرِ محفل ترے گیسو کی طرح

بول اٹھتی ہے خیالوں میں کسی کی تصویر جب بھی گزرے ہوئے لمحوں کو صدا دیتے ہیں

اے چارہ گرو یہ چارہ گری اک ڈھونگ ہے دل بہلاوے کا حالات کو اور الجھانے کو کیوں ہم پہ کرم فرماؤ جی

شیشۂ دل میں نہ اُترا کوئی عکسِ تحریر شہرِ خوباں سے صبا لائی پیامات بہت

دل کی دھڑکن بھی بڑی چیز ہے تنہائی میں تیری کھوئی ہوئی آواز سنا کرتے ہیں

چاند کا داغ دیکھنے والو! اپنے دامن کے داغ دیکھے ہیں؟

اُتری جو دل پہ آیتِ غم پچھلی رات کو کوہِ گراں بھی راہ میں آیا تو ٹل گیا

غم تو بہتیرے ہیں لیکن تیرا غم کُھل کھیلا ہے جنم جنم کے روگی من کا یہ ساتھی البیلا ہے