بانی ۔۔۔۔۔ گِرد میرے نہ فصیلیں ترے کام آئیں گی

گِرد میرے نہ فصیلیں ترے کام آئیں گی کچھ ہوائیں تو مری سمت مدام آئیں گی یہ مسافت کہ چلی جائے گی رستہ رستہ منزلیں یوں تو نئی گام بہ گام آئیں گی کچھ تو دل آپ ہی بجھتا سا چلا جاتا ہے اورکیا کیا نہ ہوائیں سرِ شام آئیں گی اِس اندھیرے میں نہ اک گام بھی رکنا یارو اب تو اک دوسرے کی آہٹیں کام آئیں گی بین کرتی ہوئی سمتوں سے نہ ڈرنا بانی اتنی آوازیں تو اس راہ میں عام آئیں گی

Read More

بانی ۔۔۔۔۔ رنگ لپک سے عاری جسم، ادا سے خالی

رنگ لپک سے عاری جسم، ادا سے خالی یہ کیسی بستی ہے، عکسِ ہَوا سے خالی یوں نکلا ہوں گھر سے، گھر کے ہر منظر سے کچھ ٹوٹے اوپر سے، ہونٹ دُعا سے خالی پچھلے پہر نے بڑھ کر میری چیخ سمیٹی کاسۂ شب تھا شاید ایک صدا سے خالی اب کے چلی وہ آندھی، لمحۂ روشن غائب دن سنگھرش سے عاری، رات خدا سے خالی

Read More

بانی ۔۔۔ اگر باقی کوئی رشتہ رہے گا

اگر باقی کوئی رشتہ رہے گا ترے جی کو بھی کچھ دکھ سا رہے گا چلو رسمِ وفا ہم بھی اُٹھا دیں کوئی دن شہر میں چرچا رہے گا نہ جائے گا کبھی دل سے ترا غم یہ جوگی دشت میں بیٹھا رہے گا ترے خستہ مزاجوں کو ہمیشہ جنوں ترکِ محبّت کا رہے گا یہ دشتِ دل ہے، کوئی آئے یا جائے برابر ایک سنّاٹا رہے گا ہوائے یاس کا ہلکا سا جھونکا ترے آنے سے پہلے آ رہے گا ہم اک دن خود سے غافل ہو رہیں گے…

Read More

محمد مختار علی ۔۔۔۔۔۔ آسماں تھے مگر زمیں ٹھہرے

آسماں تھے مگر زمیں ٹھہرے اپنا آزار خود ہمیں ٹھہرے کون ہم سے فریب کھائے کہ ہم! وہم کی طرح کا یقیں ٹھہرے کیا   کِیا جائے دوستوں سے گریز ! سب کے سب زیبِ آستیں ٹھہرے سب مری آنکھ سے اگر دیکھیں کون اُس کی طرح حسیں ٹھہرے کِس کے در پر رُکے یہ گردشِ شوق! کِس کے پائوں پہ یہ جبیں ٹھہرے پائیے کس سے دادِ حُسنِ کلام! یار جتنے تھے نکتہ چیں ٹھہرے کون رُخصت کرے انھیں مختار دِل محلے کے جو مکیں ٹھہرے

Read More

ابوطالب انیم ۔۔۔۔۔۔۔ رہے گا کب تک یہ رقص بے جان پتھروں پر

رہے گا کب تک یہ رقص بے جان پتھروں پر کوئی گرائے عمود حیرت کے دائروں پر مرے لیے عرش پر کوئی جال بن رہا ہے بہت سی آنکھیں لگی ہوئی ہیں مرے پروں پر کھلی ہوئی کھڑکیوں سے رستے لٹک رہے تھے ہمارے پہرے کہ بس جمے رہ گئے دروں پر ابھی تو پایاب ہے تمھارا چناب پانی سو پھر رہے ہیں اٹھا کے ہم کشتیاں سروں پر گذر چکے ہیں ہزار ہا قافلے یہاں سے سو دیکھیے کیا، ہے گرد ہی گرد منظروں پر انیم تہذیب گنگ غاروں…

Read More

ابوطالب انیم ۔۔۔ میں جس طرف بھی گیا اس طرف ہی کونا تھا

میں جس طرف بھی گیا اس طرف ہی کونا تھا مجھے ہوا میں بھی گوشہ نشین ہونا تھا میں اپنی جاں سے نہ گر کھیلتا تو کیا کرتا کہ میرے پاس یہی آخری کھلونا تھا میں خالی آنکھ سے تکتا رہا خدا کی طرف تب اس نے رو کے بتایا مجھے،کہ رونا تھا پھر ایک روز وہ جھیل آکے مجھ سے کہنے لگی کنول کھلایا ہی کیوں تھا اگر ڈبونا تھا نچوڑنے پہ جو اب گرد جھڑرہی ہے تو پھر خیال آیا کہ دامن کو بھی بھگونا تھا مجھے تو…

Read More

طارق بٹ ۔۔۔ اپنے تئیں کیا صفا، سجایا نہیں

اپنے تئیں کیا صفا، سجایا نہیں دل  کو   وہ ،   آئنہ   بنایا   نہیں تخلیہ،     تخلیہ،     پکارا     میں سب گئے، تو بھی، آ : سمایا نہیں چشم و دامانِ دل و دستِ دعا کیا تھا، کشکول جو بنایا  نہیں درِ دل پر، غضب تھی وہ دستک بس:   زمیں، آسماں  ہلایا  نہیں اس  نے  ارزاں کیا   خیال   اپنا میں، ہنر کچھ بھی تو کمایا نہیں دل ہی دل میں ہوئی ہیں سب باتیں لب   کو   میں  حرف   آشنایا   نہیں تیری دوری کو میں جو قُرب کیا فاصلہ، گل  کوئی…

Read More

اشرف سلیم ۔۔۔ تو سوچتا ہے جہاں تک وہاں سے آگے ہے

تو سوچتا ہے جہاں تک وہاں سے آگے ہے مرا سفر ترے وہم و گماں سے آگے ہے تعلقات، مراسم بس اب یہیں تک ہیں مرا ٹھکانہ ترے آستاں سے آگے ہے ابھی تو ہجر کی شدت مرے وجود میں ہے ترا وصال کہیں لا مکاں سے آگے ہے

Read More