Category: الف

اس سرائے میں نہ پھیلائیے اجزائے حیات جانے کس وقت یہ سامان اٹھانا پڑ جائے

ازل سے اپنا سفینہ رواں ہے دھارے پر ہُوا ہنوز نہ گرداب کا نہ ساحل کا

ابھی کسی کو میری آگہی نہیں ابھی میں اختیار ہو نہیں رہا

اس راہ سے چھپ چھپ کر گزری رت سبز سنہرے پھولوں کی جس راہ پہ تم کبھی نکلے تھے گھبرائے ہوئے شرمائے ہوئے

اسے پکارنے میں دیر ہو گئی مجھ سے وگرنہ یہ مرا سایہ تھا اور یہ میں تھا

ادھورے نقش وگرنہ کشش نہیں رکھتے کیا گیا ہے کوئی خاص تجربہ مجھ پر

اتنی نہ بڑھا پاکی داماں کی حکایت دامن کو ذرا دیکھ ذرا بندِ قبا دیکھ

اس قدر عیشِ محبت پہ نہ ہو خوش کہ تجھے دوسرے عشق میں نقصان اٹھانا پڑ جائے

اس رشتہِ لطیف کے اسرار کیا کھلیں تو سامنے تھا اور تصور خدا کا تھا