بیت بازی – صفحہ 115

خالد احمد

راستے بھر کیا یونہی ہم کو پکارے جائیں گے ساتھ دریا کے کہاں تک یہ کنارے جائیں گے

لعل و گوہر سے بھرا خود ہے سراپا تیرا خواہشِ لعل و عقیق یمنی خوب نہیں

فرصت ہمیں ملی نہ غمِ ہجرِ یار سے سامانِ انبساط مہیا نہ کر سکے

مری نگاہوں میں دونوں جہاں ہوئے تاریک یہ آپ کھول کے زلف دوتا کدھر کو چلے

تا درِ یار پہنچتا ہے وہ خود رفتۂ شوق اپنی ہستی سے جو اس راہ میں بیگانہ بنے

یا رب یہ قلبِ ہیئتِ قلبی عجیب ہے نیرنگ دیکھتے ہیں یہ کیا اے خدائے قلب

خاک پر خاک کی ڈھیریاں رہ گئیں آدمی اُٹھ گئے ، نیکیاں رہ گئیں

چار جانب وہی دھندلکے ہیں گمرہو! پھر وہی گلی آئی

محفلِ ماہتاب میں نجمِ سحر نہیں تو کیا لاکھ نیاز مند ہیں ، ایک اگر نہیں تو کیا

سوچو تو کچھ نہ سمجھو ، سمجھو تو کچھ نہ بولو پھر چپ کا حسن دیکھو ، بیکار لب نہ کھولو