بیت بازی – صفحہ 120

محسن اسرار

سوال یہ بھی ہے زندہ رہیں تو کیوں محسنؔ سوال یہ بھی ہے زندہ نہ کیوں رہا جائے

صحنِ گلشن نہ سہی گوشۂ زنداں ہی سہی قافلے راہ میں آرام لیا کرتے ہیں

ناآشنائے لذتِ لہجہ تھے سب ہی لوگ کیا کیا بساطِ لب پہ بکھیری نہ قوسِ رنگ

بُھولے بسرے جھونکے خالد کِن یادوں کی دُھول اڑائیں

ظاہر نہ کسی کور نظر پر بھی ہُوا میں کیا فرق پڑا ، تجھ پہ کُھلا ، یا، نہ کُھلا میں

دکھ انگور کی بیلیں ہیں یہ بیلیں پھلنے دو سکھ کے پل بھی کھنچ آئیں گے ، سورج ڈھلنے دو

اگر دعوتم رد کنی، ور قبول من و دست و دامانِ آلِ رسول

آشوبِ جدائی کیا کہیے ان ہونی باتیں ہوتی ہیں آنکھوں میں اندھیرا چھاتا ہے جب اجیالی راتیں ہوتی ہیں

کیا خبر گاؤں کا ہر گھر ترے گھر جیسا ہو یہی باتیں کبھی چوپال میں کر دیکھیں گے

ہم کو مٹا سکے یہ زمانہ میں دم نہیں ہم سے زمانہ خود ہے زمانے سے ہم نہیں