بیت بازی – صفحہ 119

مظفر حنفی

بجھتے بجھتے بھی ظالم نے اپنا سر جھکنے نہ دیا پھول گئی ہے سانس ہوا کی ایک چراغ بجھانے میں

ان سرابوں میں کہاں پانی تھا موجۂ ریگِ رواں پانی تھا

کیسے اب انصاف کروں کردار سے مَیں اکثر کم پڑ جاتا ہوں، درکار سے مَیں

قائم کیا ہے میں نے عدم کے وجود کو دنیا سمجھ رہی ہے فنا ہو گیا ہوں میں

اے رہگزر کی ہوا! گھر مجھے پہنچنے دے دیا جلانا ہے، آئینہ صاف کرنا ہے

پتہ کیسے چلے دنیا کو قصرِ دل کے جلنے کا دھوئیں کو راستہ ملتا نہیں باہر نکلنے اک

دیکھی نہیں ہے جس نے مری پاک سر زمیں وہ آشنائے عکسِ بہشتِ بریں نہیں

ایک ہی کہانی ہے قصہ گو کے کیسہ میں قصہ گو کے لہجوں سے رخ بدلتا جاتا ہے

روز کے روز اک کُنج بسائیں کاش یہ دُکھ تنکے بن جائیں

عشق سے دل کو ملا آئنہ خانے کا شرف جگمگا اُٹھا کنول اپنے سیہ خانے کا