بیت بازی – صفحہ 118

خالد احمد

دم سادھ کے دیکھوں تجھے ، جھپکوں نہ پلک بھی آنکھوں میں سمولوں ، ترے لہجے کی دمک بھی

گُل سے یا گلستاں سے ملتا ہے رنگ کو نم کہاں سے ملتا ہے

کس کو چُھو کر ماہتابی ہو گیا جھیل کا پانی شہابی ہو گیا

کوئی آواز تو آ جاتی کہیں سے واپس یہ کنواں گھر کا تو اتنا بھی نہ گہرا نکلا

دیکھا نہ ہمیں توُ نے خط و خال سے آگے اک شہر تھا ، اس شہرِ مہ و سال سے آگے

صبح سے جو مرے اعصاب پہ چھایا ہوا ہے ایک منظر ہے اُسی شام سے ملتا جلتا

ناممرادانہ زیست کرتا تھا میر کا طور یاد ہے ہم کو

گفتگو کسی سے ہو تیرا دھیان رہتا ہے ٹوٹ ٹوٹ جاتا ہے سلسلہ تکلم کا

رنگِ رَم و رفتارِ زمانہ نہیں بھولے دیکھا نہ قدم بھر کے تری چال سے آگے

خالد وہ تھکن تھی کہ تہِ سایۂ مژگاں دیوارِ خمیدہ کی طرح بیٹھ گیا میں