احمد فراز … شگفتہ دل ہیں کہ غم بھی عطا بہار کی ہے​

شگفتہ دل ہیں کہ غم بھی عطا بہار کی ہے​
گلِ حباب ہیں، سر میں ہَوا بہار کی ہے​
ہجومِ جلوۂ گل پر نظر نہ رکھ کہ یہاں​
جراحتوں کے چمن پر رِدا بہار کی ہے​
کوئی تو لالۂ خونیں کفن سے بھی پوچھے​
یہ فصل چاکِ جگر کی ہے یا بہار کی ہے​
میں تیرا نام نہ لوں پھر بھی لوگ پہچانیں​
کہ آپ اپنا تعارف ہَوا بہار کی ہے​
شمار زخم ابھی سے فراز کیا کرنا​
ابھی تو جان مری ابتدا بہار کی ہے​

Related posts

Leave a Comment