’’خطوطِ نم‘‘ بہ چشمِ نم پڑھے ہیں
کہ ایسے نوحے پہلے کم پڑھے ہیں
تمہارے درد کے موسم پڑھے ہیں
’’خطوطِ نم‘‘ بہ چشمِ نم پڑھے ہیں
یوں جیسے بیٹھ کر باہم پڑھے ہیں
’’خطوطِ نم‘‘ بہ چشمِ نم پڑھے ہیں
تمہارے دل کے سارے غم پڑھے ہیں
’’خطوطِ نم‘‘ بہ چشمِ نم پڑھے ہیں
حروف ِ نوحہ و ماتم پڑھے ہیں
’’خطوطِ نم‘‘ بہ چشمِ نم پڑھے ہیں
ہماری چشمِ گریاں کو تو دیکھو !
’’خطوطِ نم‘‘ بہ چشمِ نم پڑھے ہیں
خدارا اَور مت ہم کو رُلاؤ !
’’خطوطِ نم‘‘ بہ چشمِ نم پڑھے ہیں
لکھے ہیں تم نے اپنے آنسوؤں سے
’’خطوطِ نم‘‘ بہ چشمِ نم پڑھے ہیں
دُعائے صبر ہے نعمان منظور
’’خطوطِ نم‘‘ بہ چشمِ نم پڑھے ہیں
نسیمؔ امشب بیادِ خالد احمد
’’خطوطِ نم‘‘ بہ چشمِ نم پڑھے ہیں
نسیمِ سحر ۔۔۔ نظم (بیادِ خالد احمد)
