نوید صادق ۔۔۔ غیر مکمل نظمیں

غیر مکمل نظمیں

۔۔۔۔۔۔۔۔۔۔
دفتر کے ہنگامے بھی کچھ کم تو نہیں ہیں
لیکن گھرکا سناٹا تو
جاں لیوا تھا
اند ر باہر ہونکتے سائے
تنہائی کے مارے
گھر کی دیواروں میں دفن خرابے
بولتے ہیں
خوابوں کی جو قیمت
آپ چکا بیٹھے ہیں
راشد صاحب!
آپ اداکاری میں کتنے یکتا تھے
لیکن سالامانکاشاید۔۔۔!
آپ سے تھوڑا آگے تھی

بات بہت لمبی ہے لیکن
میں اس دفتر میں نوکر ہوں
میری ذمہ داریاں ۔۔۔۔۔
میری ساری نظمیں ۔۔۔۔
اب تک غیر مکمل ہیں

Related posts

Leave a Comment