اَللہ رے ! یہ رونقِ بازارِ شہرِ شاہؐ
خُلدِ بریں ہے آپ طلبگارِ شہرِ شاہؐ
ہے جانِ کعبہ ‘ عظمتِ سِدرہ ‘ قرارِ عرش
کیسے بیاں ہو شانِ طَرَح دارِ شہرِ شاہؐ
یاں کی فضا تمدُّنِ عالَم کی جان ہَے
تاریخِ اَوجِ دہر ہیں تذکارِ شہرِ شاہؐ
یہ ہے کمالِ نسبتِ سرکارِ دوجہاںؐ
رشکِ گُلِ بہار ہے ‘ ہر خارِ شہرِ شاہؐ
ذَرّاتِ اَرضِ طَیبہ ہَیں رشکِ نجومِ چرخ
محبوب ‘ قدسیوں کے ہیں اَبرارِ شہرِ شاہؐ
منبع ہے اِن کا ذاتِ گرامی حضورؐ کی
جانِ طُویٰ و طُور ہیں انوارِ شہرِ شاہؐ
انورؔ نثار ہوں مَیں اُن آنکھوں کے بخت پر
جن میں دِکھائی دیتے ہیں آثارِ شہرِ شاہؐ
