بیت بازی – صفحہ 217

سید آلِ احمد

ڈوب جائیں گے کسی دن ہم سکوتِ شام میں بھول جائیں گے کہ تم سے بھی ملاقاتیں ہوئیں

روزِ فراق اب کوئی ڈھلنے کی دیر ہے اک اور آرزو کے مچلنے کی دیر ہے

راہ کی گرد ہوئے دیوانے باز پھر بھی نہ طلب سے آئے

ٹوٹا تو کتنے آئنہ خانوں پہ زد پڑی اٹکا ہوا گلے میں جو پتھر صدا کا تھا

ذکر ہر گام گھنی چھائوں بچھے جانے کا کبھی مجھ برگِ سرِ راہ گزر سے سنیے

ذہن میں نت نئے بُت ڈھال کے یہ دیکھتا ہوں بت کدے کو وہ بنا لیتا ہے کعبہ کیسے

دل تک اُتر گئی ترے ماتھے کی ہر شکن کچھ اس کو ہے علاقہ ترے چشم و لب کے ساتھ

خالد احمد تری نسبت سے ہے خالد احمد تو نے پاتال کی قسمت میں بھی رفعت لکھی

خواب زدہ ویرانوں تک پہنچی نیند ٹھکانوں تک

حالت خراب ہو تو کسی کو خبر نہ ہو لیکن وہ کوئی شام، کہ جس کا گزر نہ ہو