بیت بازی – صفحہ 218

اعجاز گل

حل ہُوا ہے مسئلہ یوں باہمی تفہیم سے گفتِ اول کی درستی گفتِ ثانی سے ہوئی

چھائوں میں دھوپ چبھنے لگتی ہے اس کو کہتے ہیں بے وطن ہونا

چلو یہی سہی! تم نے کوئی خطا نہیں کی مگر وفا بھی تو اے یارِ خوش نما نہیں کی

جو اک جہان کی یکسانیت سے تنگ آیا تو ایک اور جہاں کی طرف نکل گیا مَیں

جشنِ مہتاب، رات بھر ہے یہاں صبح کیا ہو، کسے خبر ہے یہاں

ٹھہر سکو تو ٹھہر جاؤ میرے پہلو میں وہ دھوپ ہے کہ یہی سایۂ شجر ہے بہت

پھولوں سی کیاریاں ہیں تو سبزہ ہے ساتھ ساتھ وہ آ رہا ہے، اور، سراپا ہے ساتھ ساتھ

دیکھتے ہیں اور چھو سکتے نہیں تم وہاں اور ہم یہاں آباد ہیں

تھکن کس کی تھی، کس کو نیند آئی مرے سینے پہ صحرا سو گیا تھا

پیروں تلے ہے خاک مگر چاک پر نہیں آباد اس نگر میں کوئی کوزہ گر نہیں