بیت بازی – صفحہ 219

انور شعور

بہت یاد اک بے وفا ہے مجھے وفا کا بڑا تجربہ ہے مجھے

بے سبب کون سا سینہ ہے جو شق ہوتا ہے بعض ایثار کا اک عمر قلق ہوتا ہے

اے دل! کسے نصیب یہ توفیقِ اضطراب ملتی ہے زندگی میں یہ راحت کبھی کبھی

اُس اعتراف سے رس گُھل رہا ہے کانوں میں وہ اعتراف جو اُس نے ابھی کیا بھی نہیں

ترتیب جس جہاں کو دیا جاگ جاگ کر اب آنکھ بند کر کے اُسے دیکھنا بھی ہے

وہ جو رات مجھ کو بڑے ادب سے سلام کر کے چلا گیا اُسے کیا خبر، مرے دل میں بھی کبھی آرزوئے گناہ تھی

تنہا چمن میں چھوڑ گئی ہے ستم ظریف دوشِ صبا پہ اتنے گراں بار ہم نہ تھے

انھیں پتھروں پہ چل کر اگر آ سکو تو آئو مرے گھر کے راستے میں کوئی کہکشاں نہیں ہے

کیسے تصویر کریں تیرے خد و خال کو ہم تجھ کو سوچا ہے زیادہ، تجھے دیکھا کم ہے

میں ترا عکس ہوں کہ تو میرا اِس سوال و جواب نے مارا